Таҷлили Иди байналмилалии Наврӯз дар мақомоти Ваколатдор оид ба ҳуқуқи инсон дар Ҷумҳурии Тоҷикистон

Санаи 20 марти соли ҷорӣ дар мақомоти Ваколатдор оид ба ҳуқуқи инсон бо иштироки роҳбарият ва кормандони мақомот, инчунин намояндагони васоити ахбори оммаи ватанӣ ба ифтихори Иди байналмилалии Наврӯз ҳамоиши идона баргузор гардид.

Ҳамоиши мазкур бо намоиши ҳафтсину ҳафтшин, либосҳои атласу адрасу чакани токикӣ, кашидадӯзиҳои миллӣ ва рамзи муқаддаси Наврӯзи Аҷам – сабзаи суманак дар сатҳи баланди ташкилӣ гузаронида шуд.

Ваколатдор оид ба ҳуқуқи инсон дар Чумҳурии Токикистон Умед Бобозода чорабиниро ифтитоҳ бахшида, қайд намуд, ки Наврӯз аз қадимтарин идҳои мардумони эронитабор ба шумор меравад в умри дарози беш аз шашҳазорсола дорад.

Инчунин, таъкид шуд, ки санаи 18 феврали соли 2010 дар ҷаласаи 64-й Ассамблеи Генералии Созмони Миллали Муттаҳид, ки унвони «Фарҳанги ҷаҳон» - ро дорад, қатъномаи «Рӯзи ҷаҳонии Наврӯз» қабул шуд.

Барои мо - тоҷикон мояи ифтихор аст, ки ҷаҳонишавии Наврӯз натиҷаи иқдомҳои пайгиронаи Асосогузори сулҳу ваҳдати миллӣ - Пешвои миллат, Президенти Ҷумҳурии Тоҷстоники муҳтарам Эмомалӣ Раҳмон мебошад.

Дар мизи мудаввар сардори шуъбаи ҳифзи давлатии ҳуқуқҳои иҷтисодӣ, иҷтимоӣ ва фарҳангӣ С. Бобохонзода дар мавзӯи «Наврӯз – ҷашни ниёгони тоҷикон», муовини сардори шуъбаи байналмилалӣ, иттилоотӣ, таҳлилӣ ва ташкилӣ М. Довудов дар мавзӯи «Тоҷикистон ватани Наврӯз аст» ва сармутахассиси шуъбаи ҳифзи давлатии ҳуқуқ ба баробарӣ ва озодӣ аз табъизи Дастгоҳи Ваколатдор оид ба ҳуқуқи инсон К. Солеҳов дар мавзӯи «Наврӯз – бахори Аҷам» баромад карда, қайд намуданд, ки аз ҷониби Созмони Милали Муттаҳид ба ҳайси ҷашни ҷаҳонӣ пазируфта шудани Наврӯз гувоҳи он аст, ки ҷомеаи ҷаҳонӣ ба ин оини воқеан ва моҳиатан фархангиву инсонпарварона эҳтиром дорад ва онро ҳамчун воситаи сулҳу субот, покиву садоқат ва зебоиву бедории табиат эътироф менамояд.

Иштирокчиёни ҳамоиши идона маърӯзаҳои пешниҳодшударо муҳокима намуда, фикру мулоҳизаҳо, аз ҷумла ифтихормандии худро аз он ки Тоҷикистони соҳибистиқлол ватани Наврузи байналмилалӣ ва Хонаи умеди тамоми тоикони ҷаҳон гаштааст, баён намуданд.

Дар фарҷоми чорабинӣ Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо истифода аз фурсати муносиб дар чунин лаҳзаҳои шукуфтанҳо баҳори фараҳбахшу Наврӯзи бостониро сидқан ба ҳозирин ва аҳли оилаи онҳо муборакбод гуфта, барояшон саломатӣ, хушбахтӣ, хонаободию сарбаландӣ ва ба ватани азизамон сулҳу ваҳдат, тинҷиву оромӣ в ва шукуфоиҳо таманно намуд.

Хадамоти матбуотии В Ҳ И  Ҷ Т