Рўзҳои 17 ва 18 марти соли 2021 дар арафи иди Наврӯзи хуҷастапай Ваколатдор оид ба ҳуқуқи инсон Бобозода Умед дар якҷоягӣ бо муовини сардори Шуъбаи давлатии ҳуқуқҳои шаҳрвандӣ ва сиёсӣ Нидоев Ҳусниддин ва ёрдамчии Ваколатдор оид ба ҳуқуқи инсон Салихов Зафар ҷиҳати шиносоӣ аз вазъи будубоши маҳкумшудагон дар Муассисаҳои ислоҳии ЯС3/4, ЯС3/7, ЯС3/2 ва ЯС 3/13-и Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон боздид ба амал овард.

Дар рафти боздид Ваколатдор оид ба ҳуқуқи инсон аз шароити нигоҳдории маҳкумшудагон, аз ҷумла ҷойи хоб, ҳӯҷраҳои мулоқот (кӯтоҳмуддат ва дарозмуддат) ошхона, чойхона ва ҷойи кори маҳкумшудагон дидан намуд.

Шиносоӣ бо шароити нигоҳдории маҳкумшудагон нишон дод, ки дар доираи имкониятҳои мавҷуда барои маҳкумшудагон шароитҳои зарурӣ  муҳайё шудааст.

Зимни боздид Ваколатдор оид ба ҳуқуқи инсон нчунин бо маҳкумшудагон мулоқот намуда, онҳоро ба иди Наврӯзи оламафрӯз табрик намуд.

Ваколатдор оид ба ҳуқуқи инсон дар оянда низ тасмим гирифтааст, ки ба муассисаҳои ислоҳӣ ташриф оварда, аз шароит ва будубоши маҳкумшудагон дидан намояд.

Хадамоти матбуотии ВҲИ ҶТ