Бо мақсади баланд бардоштани савияи дониши касбии хизматчиёни давлатӣ, Нақшаи машғулиятҳои идоравӣ барои хизматчиёни давлатии маъмурии дастгоҳи Суди конститтутсионии Ҷумҳурии Тоҷикистон барои соли 2021 тасдиқ гардида аст. Дар асоси нақшаи мазкур машғулият дар мавзӯи «Омӯзиши санадҳои байналмилалии эътирофнамудаи Ҷумҳурии Тоҷикистон, Конвенсия дар бораи ҳуқуқҳои кӯдак ва ҳифзи ҳуқуқҳои кӯдак дар Тоҷикистон» 24 сентябри соли 2021 дар шакли лексия-суҳбат таин гардидааст, ки ҷиҳати гузаронидани машғулияти мазкур кормандони Ваколатдор оид ба ҳуқуқи инсон дар Ҷумҳурии Тоҷикистон Бобохонов Саидалӣ ва Мирзоев Ҳасан аз ҷониби Роҳбарият мутасаддӣ карда шуданд.

Дар санаи таингардида бо иштироки кормандони дастгоҳи Суди конститутсионӣ чорабинӣ гузаронида шуда дар қисмати муҳокимаи мавзӯҳо ба маърӯзачӣ вобаста ба эътирофи санадҳои байналмилалӣ аз ҷониби давлатҳои аъзо, манфиати санадҳои байналмилалӣ дар самти ҳифзи ҳуқуқи инсон дар Тоҷикистон, ҳуқуқҳои кӯдакони муҳоҷир барои гирифтани таълим, кӯмакпулиҳо барои кӯдакон, муроҷиати кӯдакон ба Ваколатдор оид ба ҳуқуқи инсон, маскун кардани кудакон, ҷудо намудани алимент ва дигар саволҳо пешниҳод гардид ва ба саволҳо ҷавлбҳои мушаххас дода шуд.

Аз ҷониби маъмурияти Суди конститутсионӣ машғулият ҳуб пазируфта шуда, ба Роҳбарият ва кормандони Ваколатдор оид ба ҳуқуқи инсон миннатдорӣ баён карда шуд.

Хадамаоти матбуотии ВҲИ