Санаи 13 сентябри соли равон Умед Бобозода, Ваколатдор оид ба ҳуқуқи инсон дар Ҷумҳурии Тоҷикистон ҷиҳати вазъи имрӯзаи Афғонистон, хусусан пешгирии саривақтии вайроншавии ҳуқуқу озодиҳои инсон ва барқарорсозии онҳо ба Ваколатдорони ҳуқуқи инсони давлатҳои хориҷа муроҷиат ирсол намуданд.
Бино ба мурҷиатномаи Ваколатдор оид ба ҳуқуқи инсон дар Ҷумҳурии Тоҷикистон, аз ҳамаи ниҳодҳои миллии ҳифзи ҳуқуқи инсон (Омбудсменҳо) даъват ба амал оварда шуд, ки ҷиҳати пешгирии саривақтии вайроншавии ҳуқуқу озодиҳои инсон ва барқарорсозии онҳо дар ҳудуди Афғонистон бо ҳукуматҳои худ ва сохторҳои давлатии дахлдор ҳамкорӣ намуда, дар ҳалли масъалаи мазкур бетараф набошанд.
Вобаста мубрам будани муҳтавои масъалаи зикршуда, ба унвонии Ваколатдор оид ба ҳуқуқи инсон дар Ҷумҳурии Тоҷикистон ҷавобҳои посухӣ аз Ваколатдорон оид ба ҳуқуқи инсони кишварҳои хориҷа ба муроҷиатномаи мазкур ирсол карда шуданд.
Чунин вокуниш аз Омбудсмени Ҷумҳурии Хорватия мебошад, ки аз муроҷиатномаи Ваколатдор оид ба ҳуқуқи инсон дар Ҷумҳурии Тоҷикистон тарафдорӣ намуда, мавқеи худро вобаста ба вазъи имрӯзаи Афғонистон дар самти таъмини ҳуқуқу озодиҳои инсон ва шаҳрванд, хусусан ҳифзи ҳуқуқу озодиҳои занон ва кӯдакон пешниҳод намудааст.
Ҳамчунин, дар вокниш оварда шудааст, ки Омбудсмени Ҷумҳурии Хорвати ҷиҳати тақвият додани ҳамкорӣ ба Комиссия ҳифзи ҳуқуқи инсони Иттиҳоди Аврупо, Шӯрои амният ва дигар сохторҳои Созмони Миллали Муттаҳид муроҷиат намуда, барои таҳким бахшидан ба вазъи рияои ҳуқуқу озодиҳои инсон дар амалисозии миссияи Комиссияи мустақили ҳифзи ҳуқуқи инсони Авғонистон кӯмак расонида, фаъолият дар ин самт назорат бурда шавад.
Матни аслии вокуниши Омбудсмени Ҷумҳурии Хорватия дар зер оварда шудааст:
