Имрӯз роҳбарият ва кормандони мақомоти Ваколатдор оид ба ҳуқуқи инсон дар Ҷумҳурии Тоҷикистон паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки ба Маҷлиси Олӣ ироа гардид, тамошо карданд.

Президенти Ҷумҳурии Тоҷикистон муҳтарам Эмомалӣ Раҳмон дар паёми худ ба Маҷлиси Олӣ самтҳои асосии сиёсати дохилӣ ва хориҷии кишварамонро дар солҳои гузашта таҳлилу баррасӣ ва натиҷагирӣ намуда, дурнамои онро барои соли ҷорӣ ва оянда муайян карданд.

Дар паёми Пешвои миллат оид ба пешбурди сиёсати хориҷӣ, таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзу ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш, сайёҳӣ ва ғайраҳо вазифагузориҳо сурат гирифтанд, ки зимни амалисозӣ аз ҳар як шаҳрванди мамлакатамон азму иродаи қавӣ ва садоқатро тақозо менамояд.

Кормандони мақомоти Ваколатдор оид ба ҳуқуқи инсон аҳамияти сиёсӣ ва ҳуқуқии паёми Президенти Ҷумҳурии Тоҷикистон ва нақши он дар рушди соҳаҳои ҳаёти ҷамъиятиро муҳим арзёбӣ намуда, ҷиҳати дар амал тадбиқ намудани дастуру супоришҳои Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон, ки аз паём бармеоянд ҳамаҷониба мусоидат мекунанд.

Хадамоти матбуотии ВҲИ ҶТ