Санаи 24 декабри соли равон Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо Ваколадор оид ба ҳуқуқи инсон дар Федератсияи Россия Москалкова Татьяна Николаевна суҳбати телефонӣ анҷом доданд. Дар ин бора АМИТ «Ховар» бо истинод ба Дафтари Ваколатдор оид ба ҳуқуқи инсон дар Ҷумҳурии Тоҷикистон хабар медиҳад.

Мавзӯи гуфтугуи телефонӣ вобаста ба қазияе, ки 12 ноябри соли 2021 дар деҳаи Заларии ноҳияи Заларински вилояти Иркутски Федератсияи Русия рух додааст ва дар натиҷаи он 2 нафар аз шаҳрвандони Ҷумҳурии Тоҷикистон кушта шуда, қисмати боқимонда ҷарроҳатҳои гуногун бардоштанд. Айни ҳол аз рӯи маълумотҳои бадастомада, нисбати қазияи мазкур парвандаи ҷиноӣ оғоз карда шуда, тафтишот идома дорад.

Умед Бобозода таваҷҷуҳи Татьяна Николаевнаро ба зарурати таҳқиқи фоҷиаи мазкур ҷалб намуда, дархост намуд, ки таъмини ҳамаҷонибаи ҳимояи ҳуқуқи муҳоҷирони меҳнатї, аз ҷумла шаҳрвандони Ҷумҳурии Тоҷикистонро таҳти назоарти бевоситаи худ қарор диҳад.

Зимнан ҳангоми суҳбат Роҳбарони ниҳодҳои миллии ҳифзи ҳуқуқи инсон оид ба масъалаҳои ҷудогонаи ҳифзи ҳуқуқи инсон ва шаҳрвандони кишварҳои якдигар низ таваҷҷӯҳ зоҳир намуданд.

Хадамоти матбуотии ВҲИ ҶТ