Санаи 30 декабри соли 2021 бо супориши роҳбарияти мақомоти Ваколатдор оид ба ҳуқуқи инсон дар Ҷумҳурии Тоҷикистон аз ҷониби кормандони мақомоти мазкур дар Муассисаи тарбиявии ЯС 3/12 (барои ноболиғон) СРИҶҶ-и ВА Ҷумҳурии Тоҷикистон ҷиҳати табрик намудани тарбиятгирандагони муассиса ба муносибати Соли нави мелодӣ ташриф оварда шуд.
Зимни ташриф аз муассисаи зикршуда бо тарбиятгирандагон оид ба ғамхории давлату ҳукумат нисбати кӯдакон, ҳуқуқу уҳдадориҳои онҳо, пешгирии ҷинояткорӣ дар байни ноболиғон ва дигар масъалаҳо сӯҳбатҳо гузаронида шуд.
Дар охир кормандони Ваколатдор оид ба ҳуқуқи инсон дар Ҷумҳурии Тоҷикистон тарбиятгирандагон ва кормандони муассисаро бо соли нав табрик намуда, ба онҳо тӯҳфаҳои солинавӣ тақдим намуданд.
Хадамоти матбуотии ВҲИ
