Бо мақсади тақвият додани ҳамкориҳо бо сохторҳои дахлдори Созмони Милали Муттаҳид ва инчунин анҷом додани вохӯриву мулоқотҳои судманд бо масъулини соҳаи ҳуқуқи инсони Конфедератсияи Швейдсария Ваколатдор оид ба ҳуқуқи инсон дар Ҷумҳурии Тоҷикистон У. Бобозода дар Конференцияи Швейдсария бо сафари корӣ қарор дорад.
Дар доираи сафари корӣ ба Конференцияи Швейдсария муҳтарам У. Бобозода бо хонум Жани Пияжет - сардори Бахши ҳуқуқи инсони Котиботи давлатии Вазорати корхои хориҷии Швейдсария вохӯрӣ анҷом дод. Зимни вохӯрӣ У. Бобозода дастовардхои Ҷумҳурии Тоҷикистонро дар самти хукуки инсон арзёбӣ намуда, вобаста ба масъалахои ташкил ва фаъолияти мақомоти Ваколатдор оид ба ҳуқуқи инсон Ҷумҳурии Тоҷикистон ибрози назар намуд.
Инчунин ҷонибҳо дар бораи вазъи ҳуқуқи инсон дар Ҷумҳурии Тоҷикистон дар самтхои гуногун, тақвияти ҳамкориҳои дуҷониба дар соҳаи ҳуқуқи инсонро мавриди баррасӣ қарор доданд.
Хадамоти матбуотии ВҲИ
