Ваколатдор оид ба ҳуқуқи инсон дар Ҷумҳурии Тоҷикистон Умед Бобозода санаи 19 июли соли 2022 дар доираи сафари корӣ ба Конфедератсияи Швейтсария  дар шаҳри Женева бо Директори ҳамкориҳои техникии Раёсати Олии Созмони Милали Муттаҳид оид ба ҳуқуқи инсон Кристиян Салазар мулоқот намуд.

Зимни мулоқот масоили густариши ҳамкориҳо  дар самти ҳуқуқи инсон, хусусан раванди кӯшишхои Ваколатдор оид ба ҳуқуқи инсон дар Ҷумҳурии Тоҷикистон дар самти ба даст овардани мақоми “А” тибқи Принсипҳои Париж ва дар ин васила иҷроиши тавсияҳои марбутаи Принсипҳои Париж матраҳ гардид.

У. Бобозода ба якчанд саволхои Кристиян Салазар посух дода, ҳамзамон қайд намуданд, ки дар ин ҷода дар назди Ваколатдор оид ба ҳуқуқи инсон дар Ҷумҳурии Тоҷикистон Гурӯҳи кории байниидоравӣ таъсис дода шуда, корҳо бомаром ҷараён доранд.

Дар охир Кристиян Салазар омодагии худро ҷиҳати расонидани кӯмакҳои техникию машваратӣ ба Ваколатдор оид ба ҳуқуқи инсон дар Ҷумҳурии Тоҷикистон дар самти ба даст овардани мақоми “А” тибқи Принсипҳои Париж иброз намуд.

                                                                                                                                                                                                                     Хадамоти матбуотии ВҲИ