Ташрифи Ваколатдор оид ба ҳуқуқи инсон дар Ҷумҳурии Тоҷикистон ба муассисаҳои ислоҳӣ
Рӯзи 16 сентябри соли 2022 Ваколатдор оид ба ҳуқуқи инсон дар Ҷумҳурии Тоҷикистон Бобозода Умед ҷиҳати муайян намудани вазъи риояи ҳуқуқҳои маҳкумшудагон дар Муассисаи ислоҳии ЯС 3/2- Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон дар шаҳри Ваҳдат боздид ба амал овард.
Дар рафти боздид Ваколатдор оид ба ҳуқуқи инсон аз шароити нигоҳдошти маҳкумшудагон, аз ҷумла ҷойи хоб, ҳӯҷраҳои мулоқот (кӯтоҳмуддат ва дарозмуддат), литсеи касбӣ, толори фарҳангӣ, ошхона, чойхона ва ҷойи кори маҳкумшудагон дидан намуд.
Шиносоӣ бо шароити нигоҳдошти маҳкумшудагон нишон дод, ки дар доираи имкониятҳои мавҷуда барои маҳкумшудагон шароитҳо муҳайё шудааст.
Зимни боздид Ваколатдор оид ба ҳуқуқи инсон нчунин бо маҳкумшудагон суҳбат намуда, ба саволҳои онҳо ҷавоби мушаххас дод.
Ваколатдор оид ба ҳуқуқи инсон дар оянда низ ташриф ба муассисаҳои ислоҳиро ба назар гирифтааст.
