Савгандёдкунии кормандони мақомоти Ваколатдор оид ба ҳуқуқи инсон дар Ҷумҳурии Тоҷикистон

Санаи 19 декабри соли 2022 дар мақомоти Ваколатдор оид ба ҳуқуқи инсон вобаста ба фаъолияти мақомот ҷаласаи корӣ баргузор гардид.

 Зимни ҷаласа аз ҷониби Ваколатдор оид ба ҳуқуқи инсон Умед Бобозода фаъолияти кормандон ва супоришҳои протоколии ҷаласаҳои қаблӣ натиҷагирӣ карда шуда, барои давраҳои минбаъда супоришҳои мушаххаст дода шуд.

Инчунин, кормандони нави мақомоти Ваколатдор оид ба ҳуқуқи инсон, ки тибқи хулосаи Комиссияи озмунӣ мансабҳои холии маъмурии хизмати давлатиро ишғол намуда, бори аввал ба хизмати давлатӣ қадам гузоштаанд, дар ҳузури кормандони мақомот қасам ёд намуда, сазовори номи баланди хизматчии давлатӣ гардиданд.

Хадамоти матбуотии ВҲИ