Тибқи супориши Сарвазири Ҷумҳурии Тоҷикистон барои таҳия ва муаррифии Шарҳи миллии Ҷумҳурии Тоҷикистон оид ба амалисозии Ҳадафҳои Рушди Устувор корҳои омодагӣ идома дорад.
Дар робита бо ин ҷиҳати риояи принсипи «Касеро дар канор нагузоштан» ва ба инобат гирифтани манфиатҳои шахсони осепазири аҳолӣ дар Маркази минтақавии хизмати иҷтимоӣ ба нафақахурон ва маъюбони шаҳри Душанбе 22 феврали соли 2023 бо иштироки намояндаи мақомоти Ваколатдор оид ба ҳуқуқи инсон - сармутахассиси шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии Дастгоҳи Ваколатдор оид ба ҳуқуқи инсон Салоҳиддинзода М. ва намояндагони Ташкилоти ҷамъиятии “Идораи ҳуқуқи инсон ва риояи қонуният” бо бошандагони муассисаи мазкур машварат доир гардид.
Зимни машварат масъалаҳои вобаста ба дастрасӣ ба манзил, ҳуҷатҳои муайянкунандаи шахсият, таъминоти иҷтимоӣ, дастрасӣ ба иттилоот, ҳуқуқ ба муроҷиати ин қишри аҳолӣ мавриди муҳокима қарор дода шуданд.
Хадамоти матбуотии ВҲИ
