ҶАМЪБАСТИ ОЗМУНИ ИНШОИ БЕҲТАРИН ДАР МАВЗӮИ

 «ҲУҚУҚ БА ОЗОДИИ СУХАН»

Дар Намояндагии Ваколатдор оид ба ҳуқуқи инсон дар вилояти Суғд ҷамъбасти озмуни иншои беҳтарин дар мавзӯи “Ҳуқуқ ба озодии сухан” байни толибилмони синфҳои 9-11 муассисаҳои таҳсилоти миёнаи умумии шаҳри Хуҷанд баргузор гардид. Озмуни мазкур дар ҳамкорӣ бо мақомоти иҷроияи ҳокимияти давлатии шаҳри Хуҷанд ва Шӯъбаи маорифи шаҳри Хуҷанд ташкил ва гузаронида шуд.

 Барои ширкат дар озмун зиёда аз 40 нафар толибилмон иншоҳои худро пешниход намуда, аз ҷониби комиссияи озмун баррасӣ ва ғолибон муайян карда шуданд.

Дар натиҷаи баррасии иншоҳои дастрасшуда, ғолибони озмун муайян карда шуда, ҷойи якумро Ғафурова Саидахон - хонандаи синфи  11^А МТМУ №15, ҷойи дуюмро  Зокиров Далерҷон - хонандаи синфи  10^В МТМУ №20 ва ҷойи сеюмро Азимова Меҳрона - хонандаи синфи  11^В МТМУ №2 ишғол намуданд.

Ғолибони озмун бо Ифтихорномаҳои дахлдор қадрдонӣ карда шуданд. Намояндагии Ваколатдор оид ба ҳуқуқи инсон дар вилояти Суғд  ба тамоми иштирокчиён барои ширкати фаъолона дар озмуни иншои беҳтарин дар мавзӯи “Ҳуқуқ ба озодии сухан” арзи сипос изҳор менамояд.

Хадамоти матбуотии ВҲИ