ЧОРАБИНИИ ИТТИЛООТӢ ОИД БА ШАРҲИ ҚОНУНИ ҶУМҲУРИИ ТОҶИКИСТОН “ДАР БОРАИ БАРОБАРӢ ВА БАРҲАМ ДОДАНИ ҲАМА ГУНА ШАКЛҲОИ ТАБЪИЗ”

Дар асоси   Қонунгузории Ҷумҳурии Тоҷикистон дар бораи баробарӣ ва барҳам додани ҳама гуна шаклҳои табъиз Ваколатдор оид ба ҳуқуқи инсон дар Ҷумҳурии Тоҷикистон мақоми ваколатдори давлатӣ оид ба таъмини баробарӣ ва манъи ҳама гуна шаклҳои табъиз ба ҳисоб меравад.

Яке аз ваколатҳои Ваколатдор оид ба ҳуқуқи инсон дар Ҷумҳурии Тоҷикистон ҳамчун мақоми ваколатдори давлатӣ оид ба таъмини баробарӣ ва манъи ҳама гуна шаклҳои табъиз чорабиниҳои омӯзишӣ ва маърифатӣ оид ба ҳуқуқ ба баробарӣ ва барҳам додани ҳама гуна шаклҳои табъизро мегузаронад.  Вобаста ба ин, барои иҷрои меъёрҳои қонуни дар болозикршуда дар мувофиқа бо Дастгоҳи иҷроияи Президенти Ҷумҳурии Тоҷикистон гурӯҳи кории мақомоти Ваколатдор оид ба ҳуқуқи инсон дар Ҷумҳурии Тоҷикистон санаи 1 августи  соли ҷорӣ дар ҳайати Маҷидов Парвизҷон – муовини сардори шуъбаи ҳифзи давлатии ҳуқуқ ба баробарӣ ва озодӣ аз табъизи Дастгоҳи Ваколатдор оид ба ҳуқуқи инсон, Назриддинзода Анис – сармутахссиси шуъбаи ҳифзи давлатии ҳуқуқ ба баробарӣ ва озодӣ аз табъизи Дастгоҳи Ваколатдор оид ба ҳуқуқи инсон, Ҳайдарзода Муҳаммад Ҳайдар – мутахассиси пешбари шуъбаи ҳифзи давлатии ҳуқуқ ба баробарӣ ва озодӣ аз табъизи Дастгоҳи Ваколатдор оид ба ҳуқуқи инсон дар ноҳияи Ҷаббор Расулови  вилояти Суғд чорабинии иттилоотӣ гузарониданд. Дар чорабинии иттилотӣ муовини раиси ноҳияи Ҷаббор Расулов Муталибзода Зумрад ва намояндагон аз мақомоти ҳифзи ҳуқуқ, сохторҳои кор бо занон ва оила, тандурустӣ ва ҳифзи иҷтимоӣ, маориф, суғуртаи иҷтимоӣ ва нафақа, меҳнат, муҳоҷират ва шуғли аҳолӣ, кор бо ҷавонон ва варзиш, дин, танзими анъана ва ҷашну маросим, ҳуқуқи кӯдак, ташкилотҳои ҷамъиятӣ, ходимони дин,  фаъолони ҷомеъа ва васоити ахбори омма иштирок намуданд. Тибқи барномаи чорабинии иттилоотӣ Маҷидов Парвизҷон дар мавзуи “ Ваколатдор оид ба ҳуқуқи инсон – ниҳоди миллии ҳифзи ҳуқуқи инсон”, Назридинзода Анис оид ба “Маърӯзаҳои Ваколатдор оид ба ҳуқуқи инсон дар Ҷумҳурии Тоҷикистон” ва Ҳайдарзода Муҳаммад Ҳайдар дар мавзуи “Шарҳу эзоҳи  Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз” баромад намуданд. Дар қисми муҳокимаи масъалаҳои чорабинӣ иштирокчиён  фаъолона иштирок намуда, вобаста ба нишона, аломат,  шакл ва  намудҳои табъиз инчунин дигар саволҳо марбута ба таъмини баробарӣ ва барҳам додани ҳама гуна шаклҳои табъиз дода ҷавобҳои мушаххас гирифтанд.