Санаи 10 октябри соли 2023 дар мақомоти Ваколатдор оид ба ҳуқуқи инсон вобаста ба натиҷаҳои фаъолияти мақомот дар нуҳ моҳи соли 2023 маҷлиси ҷамъбастӣ баргузор гардид.
Дар маҷлис Ваколатдор оид ба ҳуқуқи инсон У. Бобозода, муовини Ваколатдор оид ба ҳуқуқи инсон – Ваколатдор оид ба ҳуқуқи кӯдак дар Ҷумҳурии Тоҷикистон М. Бобоҷонзода, роҳбарони воҳидҳои сохторӣ ва кормандони мақомоти Ваколатдор оид ба ҳуқуқи инсон иштирок намуданд.
Ҳамчунин, ҳисоботи роҳбарони воҳидҳои сохтории мақомот дар масъалаи қабул ва баррасии муроҷиатҳо, муросилоти аз дигар мақомот воридгардида, баррасии лоиҳаи санадҳои меъёрии ҳуқуқӣ, иштироки кормандон дар гурӯҳҳои корӣ, иштирок дар семинару конференсия ва мизҳои мудаввар, гузаронидани мониторингу санҷишҳо, баромад дар ВАО ва дигар масъалаҳо шунида шуд.
Дар интиҳои маҷлис аз ҷониби муҳтарам У.Бобозода фаъолияти воҳидҳои сохтории мақомот ва кормандони он мавриди таҳлили ҳамаҷониба қарор гирифта, ҷиҳати тақвият додани корҳо ва иҷрои пурраи Барномаи амали мақомот барои соли 2023 дар семоҳаи чорум дастурҳои мушаххас дода шуд.
Хадамоти матбуотии ВҲИ ҶТ
