Аз ҷониби Намояндагии Ваколатдор оид ба ҳуқуқи инсон дар вилояти Хатлон санаи 6-уми декабри соли равон бахшида ба ҷашни « Рўзи ҳуқуқи инсон» ки ҳамасола 10-уми декабр ҷашн гирифта мешавад, дар Донишкадаи энергетикии Тоҷикистон дар вилояти Хатлон семинар-машварат гузаронида шуд. Дар семинари мазкур устодони ва донишҷўёни Донишкада иштирок намуданд. Сараввал муовини Ректор оид ба тарбия Шарифова З. ба сухан баромада, семинари мазкурро оғоз намуд.
Баъдан Роҳбари Намояндагии Ваколатдор оид ба ҳуқуқи инсон дар вилояти Хатлон оид ба моҳияту муҳимияти ин рўзи таърихию ҷаҳонї ва сабаби ҷашнгирии рўзи 10-уми декабр ҳамчун Рўзи ҳуқуқи инсон баромад намуда, иброз намуд, ки ин рўзи таърихӣ аз рӯзи қабули Эъломияи умумии ҳуқуқи инсон сарчашма мегирад. Яъне 10 декабри соли 1948 дар шаҳри Парижи Франсия дар Созмони Миллали Муттаҳид бузургтарин ҳуҷҷати мутааллиқ ба ҳамаи миллатҳо «Эъломияи умумии ҳуқуқи инсон» қабул гардидааст ва ба ин хотир ҳамасола ҳафтаи аввали моҳи декабр дар саросари олам ин рўзи таърихӣ ҷашн гирифта мешавад.
Дар хотима устоди Донишкада ҳуқуқшинос Исмоилов С. дар назди иштирокчиёни ҳамоиш оид ба эҳтироми якдигар, донистани ҳуқуқҳои худ ва риояи онҳо маърўза намуда, ба семинари мазкур ҳусни анҷом бахшид.
