Ташрифи Ваколатдор оид ба ҳуқуқи инсон

аз Тавқифгоҳи тафтишотии ЯТ 9/1-и  Сарраёсати иҷрои ҷазои

ҷиноятии Вазорати адлияи Ҷумҳурии Тоҷикистон

Рўзи 3 апрели соли 2024 Ваколатдор оид ба ҳуқуқи инсон дар Ҷумҳурии Тоҷикистон –- Умед Бобозода  ҷиҳати муайян намудани вазъи риояи ҳуқуқҳои маҳкумшудагон дар Тавқифгоҳи тафтишотии ЯТ 9/1- Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон боздид ба амал овард.

Дар рафти боздид Ваколатдор оид ба ҳуқуқи инсон бо шароити нигоҳдошти маҳкумшудагон шинос гардид.

Шиносоӣ бо шароити нигоҳдошти маҳкумшудагон нишон дод, ки дар доираи имкониятҳои мавҷуда шароитҳои дахлдор муҳайё карда шудааст.

Ҳангоми боздид Ваколатдор оид ба ҳуқуқи инсон  роҳбарият, ҳайати шахсӣ ва маҳкумшудагонро бо моҳи шарифи Рамазон ва Наврўзи хуҷастапай муборакбод намуд. Инчунин дар рафти боздид бо якчанд нафар маҳкумшудагон дар алоҳидагӣ суҳбат намуда, ба саволҳои онҳо ҷавоби мушаххас дод.

Ваколатдор оид ба ҳуқуқи инсон тасмим гирифтааст, ки минбаъд низ аз муассисаҳои ислоҳӣ дидан намояд.

Муовини сардори

шуъбаи ҳифзи давлатии

                                                        ҳуқуқҳои шаҳрвандӣ ва сиёсӣ                                  Ҳ. Нидоев