Баргузории семинар - машварати омўзишӣ дар Колеҷи тиббии ш. Бохтар бахшида ба «Соли маърифати ҳуқуқӣ»

Санаи 25-уми апрели соли ҷорӣ аз ҷониби Намояндагии Ваколатдор оид ба ҳуқуқи инсон дар вилояти Хатлон дар доираи амалисозии «Соли маърифати ҳуқуқӣ» дар Колеҷи тиббии шаҳри Бохтар семинар - машварати омўзишӣ бо иштироки устодон ва донишҷўёни Колеҷи мазкур доир карда шуд.

Роҳбари Намояндагии Ваколатдор оид ба ҳуқуқи инсон дар вилояти Хатлон оид ба моҳияту маҳфуми маърифати ҳуқуқӣ баромад намуда, иброз намуд, ки шаҳрвандон бояд ҳуқуқҳои худро донанд, дониши ҳуқуқии худро сайқал диҳанд, аз ҳуқуқҳои худ дифоъ намуда, аз имкониятҳои мавҷудае, ки давлат барои онҳо фароҳам овардааст, самаранок истифода намоянд.

Дар фарҷоми ҳамоиш яке аз донишҷўёни фаъоли Колеҷ ба сухан баромада, ба донишҷуён оид ба ҳуқуқу озодиҳои шаҳрвандон дар Ҷумҳурии Тоҷикистон, риоя, эҳтиром, ҳифз ва пешбурди онҳо маърўза намуд.

Роҳбарияти Колеҷи тиббӣ барои ташкил намудани чунин як ҳамоиши манфиатнок ба мақомоти Ваколатдор оид ба ҳуқуқи инсон изҳори миннатдорӣ баён намуд.

Хадамоти матбуотии ВҲИ