ЧОРАБИНИИ ИТТИЛООТӢ БО ТОЛИБИЛМОН ДАР НАМОЯНДАГИИ ВАКОЛАТДОР ОИД БА ҲУҚУҚИ ИНСОН
ДАР ВИЛОЯТИ СУҒД
Санаи 26 апрели соли 2024 дар Намояндагии Ваколатдор оид ба ҳуқуқи инсон дар вилояти Суғд вохӯрии иттилоотӣ бо толибилмони Муассисаи таҳсилоти миёнаи умумии ба номи А.П.Чехови шаҳри Хуҷанд баргузор гардид. Чорабинии мазкур дар доираи амалисозии «Соли маърифати ҳуқуқӣ» ташкил ва гузаронида шуд.
Дар вохӯрии иттилоотӣ роҳбари Намояндагии Ваколатдор оид ба ҳуқуқи инсон дар вилояти Суғд Ҳабиба Ҳамидова ва мутахассиси пешбари он Мамаджанова Мастона баромад намуда, оид ба ҳадафу вазифаҳои Ваколатдор оид ба ҳуқуқи инсон дар Ҷумҳурии Тоҷикистон дар ҳифз ва пешбурди ҳуқуқи инсон, аз ҷумла кӯдакон суханронӣ намуданд. Инчунин оид ба ваколатҳои Ваколатдор оид ба ҳуқуқи кӯдак ва принсипҳои баррасии муроҷиатҳои кӯдакон маълумоти мухтасар пешниҳод гардид.
Ба толибилмон оид ба таърихи қабулшавии Конститутсияи Ҷумҳурии Тоҷикистон ва таҷлили ҷашни 30–солагии он, “Соли маърифати ҳуқукӣ», талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва ҷавобгарӣ барои иҷро нагардидани талаботи мавҷуда мувофиқи қонунгузории амалкунанда ва дигар иттилооти дахлдор пешниҳод гардид.
Хадамоти матбуотии ВҲИ
