Вохўрии Гурўҳи кории назди Ваколатдор оид ба ҳуқуқи инсон дар ҶумҳурииТоҷикистон

Санаи 28 майи соли 2024 дар мақомоти ВҲИ вохўрии аъзои Гурўҳи кории назди Ваколатдор оид ба ҳуқуқи инсон дар Ҷумҳурии Тоҷикистон баргузор гардид.

Дар чорабинии мазкур аъзои Гурӯҳи корӣ аз Дастгоҳи иҷроияи Президенти Ҷумҳурии Тоҷикистон, Маҷлиси намояндагони Ҷумҳурии Тоҷикистон, Суди Олӣ, Прокуратураи генералӣ, Вазорати адлия, Вазорати корҳои дохилӣ, Вазорати тандурустӣ ва ҳифзи иҷтимоии аҳолӣ ва аъзои Гурӯҳи мониторингии назди Ваколатдор оид ба ҳуқуқи инсон дар иштирок намуданд.

Дар вохўрӣ натиҷаи мониторингҳои муассисаҳои пўшида ва қисман пўшида дар чор моҳи соли 2024 гузаронидашуда мавриди муҳокима ва арзёбӣ қарор дода шуд.

Зимни вохўрӣ аъзои Гурўҳи мониторингӣ ба саволҳои иштирокчиён ҷавобҳои мушаххас доданд. Ҳамчунин дар чорабинии мазкур масъалаи рафъи камбудиҳои ҷойдошта, мушкилоти муассисаҳои болозикр ва роҳҳои ҳалли онҳо муҳокима гардиданд.

Инчунин дар вохўрӣ нақшаҳои кори Гурўҳи корӣ ва Гурўҳи мониторингии назди Ваколатдор барои соли 2024 муҳокима гардиданд.

Муовини сардори шуъбаи ҳифзи

давлатии ҳуқуқҳои шаҳрвандӣ ва сиёсӣ         

Ҳ. Нидоев