МАШВАРАТИ САЙЕРИ ҲУҚУҚӢ ДАР НОҲИЯИ ДЕВАШТИЧИ ВИЛОЯТИ СУҒД

Санаи 16 июли соли ҷорӣ бо ташаббуси Намояндагии Ваколатдор оид ба ҳуқуқи инсон дар вилояти Суғд дар якҷоягӣ бо Суди ноҳияи Деваштич машварати сайери ҳуқуқӣ бо аҳолии дурдаст ташкил ва гузаронида шуд. Машваратро роҳбари НВҲИ Суғд оғоз намуда, дар бораи  «Нақши Ваколатдор оид ба ҳуқуқи инсон дар ҳифз ва пешбурди ҳуқуқ ва озодиҳои инсон ва шаҳрванд» бо маъруза баромад намуд. Пас сухан ба Раиси суди ноҳияи Деваштич – Мақсудӣ Фирузҷон дода шуд, ки бо маърузае дар мавзуи «Соли маърифати ҳуқуқӣ ва нақши мақомоти судӣ дар баланд бардоштани маърифати ҳуқуқии аҳолӣ» баромад намуд. Дар машварат намояндагони Маркази адлия дар ноҳияи Деваштич, ҳуқуқшиноси давлатии ноҳия, кормандони САҲШ, шубаи кор бо занон ва оилаи ноҳия, шубаи кудак, намояндагони соҳаи тандурустӣ, шубаи маориф ва омори ноҳия иштирок намуданд.

Дар рафти машварат зиеда аз 12 нафар шаҳрвандон бо суолҳо ва муаммоҳои худ муроҷиат намуда, вобаста ба суолҳои худ ҷавобҳои мухталиф ва аз ҷиҳати ҳуқуқӣ асоснокро ба даст оварданд.

Ташкилкунандагон ва иштирокчиени машварат итминон карданд, ки минбаъд низ ташаббуси мазкурро идома дода, дар баланд бардоштани маърифати ҳуқуқии шаҳрвандон ва мусоидат дар ҳалли муаммоҳои онҳо кушиш ба харҷ медиҳанд.