Баргузории семинари омӯзиши дар самти шахсони дорои маъюбият
Намояндагии Ваколатдор оид ба ҳуқуқи инсон дар вилояти Хатлон бо мақсади баланд бардоштани маърифати ҳуқуқии маъюбон, татбиқи Конвенсия оид ба ҳуқуқи маъюбон ва дигар санадҳои меъёрию ҳуқуқӣ ваобаста ба ҳуқуқу озодиҳои маъюбон дар ҳамкорӣ бо Ташкилоти Ҷамъиятии «Нобиноён» дар Ҷмҳурии Тоҷикистон бо иштироки кормандони Мақомоти иҷроияи ҳокимияти давлатии вилояти Хатлон Раёсатҳои тандурўстӣ, маориф, фарҳанг, кор бо ҷавонон ва варзиш, кор бо занон ва оила, ҳифзи иҷтимоӣ, меъморӣ ва сохтмон, Агентии меҳнат ва шуѓли аҳолӣ, Агентии суѓуртаи иҷтимоӣ ва нафақа ва дигар ташкилоту идораҳои дахлдори вилоят санаи 28 августи соли ҷорӣ дар шаҳри Бохтари вилояти Хатлон «Семинари-омузишӣ» баргўзор карда шуд. Дар семинари мазкур аз ҷониби намояндагони ташкилоту идораҳои номбаршуда вобаста ба амалигардонии санадҳои меъёрию ҳуқуқие, ки вобаста ба ҳуқуқу озодиҳои маъюбон мавҷуданд баромаду маърузаҳо карданд. Ҳамзамон, Роҳбари намояндагии Ваколатдор оид ба ҳуқуқи инсон дар вилояти Хатлон вобаста ҳуқуқу озодиҳои маъюбон дар асоси Конвесия оид ба ҳуқуқи маъюбон маъруза намуда, иброз намуд, ки ҳуқуқу озодиҳои маъюбон ҳамеша зери назорати давлат ва Ҳукумат ва шахсан зери назорати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қарор дорад. Баъдан аз ҷониби иштирокчиёни семинар саволу ҷавобҳо доир карда шуд ва онҳо ба саволҳои худ аз ҷониби мутахассисони соҳа ҷавобҳои қаноатманд гирифтанд.
