Вохӯрии иттилоотӣ бо ҳайати нави клиникаи ҳуқуқии   Намояндагии Ваколатдор оид ба ҳуқуқи инсон дар вилояти Суғд

Санаи 3 октябри соли ҷорӣ бо ташаббуси Намояндагии Ваколатдор оид ба ҳуқуқи инсон ва маъмурияти Донишгоҳи давлатии ҳуқуқ, бизнес ва сиёсати Тоҷикистон вохӯрии иттилоотӣ бо донишҷуёни курсҳои болоии факултаи «Ҳуқуқшиносӣ», ки ба ҳайати нави «Клиникаи ҳуқуқӣ» аъзо шуданд, гузаронида шуд. Дар чорабинии мазкур роҳбари Намояндагии Ваколатдор оид ба ҳуқуқи инсон дар вилояти Суғд Ҳабиба Ҳамидова, дотсенти кафедраи «Ҳуқуки байналмилалӣ» - и факултаи «Ҳуқуқшиносӣ» Манзура Ҳомидова бо маърузаҳо баромад намуда, донишҷуёнро бо ҳадаф ва вазифаҳои «Клиникаи ҳуқуқӣ» шинос намуданд. Инчунин, дар рафти вохӯрии иттилоотӣ ба иштирокчиён  оид ба Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038 ва вобаста ба зарурат, моҳият ва ҳадафи Қонуни Ҷумҳурии Тоҷикистон «Дар бораи баробарӣ ва барҳам додани ҳама гуна шаклҳои табъиз» маълумотҳо пешниҳод карда шуданд.

Хадамоти матбуотии ВҲИ