Санаи 4 ноябри соли 2024 дар асоси ҳамкориҳо бо дархости Намояндагии Созмони байналмилалии муҳоҷират дар Ҷумҷурии Тоҷикистон Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо роҳбари навтаъини намояндагии мазкур Виктор Лутенко вохўрӣ анҷом доданд.
Дар вохўрӣ тарафҳо оид ба фаъолиятҳои худ дар самти қонунгузории миллӣ, байналмилалӣ ва Стратегияву барномаҳо вобаста ба ҳифзи ҳуқуқҳои муҳоҷирони меҳнатӣ ва аъзои оилаи онҳо, муҳоҷирати экологӣ, пешгирии зўроварӣ дар оила, танзими раванди муҳоҷирати бехатар, ба роҳ мондани ҳамкориҳои ду ва бисёрҷониба байни Ваколатдорони дигар давлатҳо оид ба ҳифзи ҳуқуқи муҳоҷирони меҳнатӣ ва дигар масъалаҳо мусоҳиба намуданд.
Тарафҳо ҷиҳати идома додани ҳамкориҳои минбаъда барои ҳифзи ҳуқуқи муҳоҷирони меҳнатии дар хориҷи кишвар буда, муҳоҷирони ба ватан баргашта, муҳоҷирони экологӣ, гурезаҳо ва савдои одамон таклифу пешниҳодҳои муфид ҷиҳати ҳифзи ҳуқуқҳои инсон ва шаҳрванд намуданд.
Хадамоти матбуотии ВҲИ
