Иттилоотонӣ ва баланд бардоштани маърифати ҳуқуқи аҳолӣ дар самти ҳуқуқҳои истифодабарандагони хизматрасониҳои молиявӣ ва ҳуқуқҳои соҳибкорон дар шаҳри Кӯлоб ва ноҳияи Восеи вилояти Хатлон вусъат меёбад
Бо мақсади иҷрои банди 118 Барномаи амали мақомот барои соли 2025 намояндагони дастгоҳи Ваколатдор оид ба ҳуқуқи инсон дар Ҷумҳурии Тоҷикистон – муовини сардори Шуъбаи ҳифзи давлатии ҳуқуқи истифодабарандагони хизматрасониҳои молиявӣ ва ҳуқуқи соҳибкорон Сабзов А. ва сармутахассиси ҳамин шуъба Раҷабов Б. ҷиҳати иттилоотонӣ ва баланд бардоштани маърифати ҳуқуқи аҳолӣ дар соҳаи ҳуқуқи инсон, инчунин баргузор намудани семинар-машварат доир ба фаъолияти мақомоти Ваколатдор оид ба ҳуқуқи инсон дар самти ҳимояи ҳуқуқҳои истифодабарандагони хизматрасониҳои молиявӣ ва ҳуқуқҳои соҳибкорон санаи 14 ва 15 августи соли 2025 ба шаҳри Кӯлоб ва ноҳияи Восеи вилояти Хатлон сафари корӣ анҷом доданд.
Чорабинии мазкур бо иштироки намояндагони вазорату идораҳои дахлдор дар маҳал, кормандони мақомоти иҷроияи ҳокимияти давлатии шаҳри Кӯлоб ва ноҳияи Восеъ, инчунин бо ҷалби соҳибкорони маҳал ташкил ва баргузор гардида, доир ба масъалаҳои мухталифи ҳуқуқи инсон дар маҷмуъ, хусусан таъмини ҳимояи ҳуқуқи соҳибкорон ва ҳуқуқи истифодабарандагони хизматрасониҳои молиявӣ дар Ҷумҳурии Тоҷикистон, амалисозии вазифаҳои мақомоти Ваколатдор оид ба ҳуқуқи инсон дар Ҷумҳурии Тоҷикистон, баланд бардоштани маърифати ҳуқуқии аҳолӣ, инчунин тақвият ва таҳким бахшидан ба ҳамкориҳои манфиатовар дар самти таъмини риояи ва ҳифзи ҳуқуқу озодиҳои умумии инсон ва шаҳрванд маърузаҳо ва иттилооти дахлдор пешниҳод карда шуд.
Хадамоти матбуотии ВҲИ ҶТ
