ДУШАНБЕ, 10.10.2024 /АМИТ «Ховар»/. Дар шаҳри Москваи Федератсияи Русия ҷаласаи сеюми Комиссия оид ба ҳуқуқи инсони Иттиҳоди Давлатҳои Мустақил ва ҷаласаи нуҳуми Алянси авруосиёии омбудсменҳо баргузор шуд, ки дар он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ба таври маҷозӣ иштирок намуд. Дар ин хусус ба АМИТ «Ховар» дар мақомоти Ваколатдор оид ба ҳуқуқи инсон хабар доданд.
Умед Бобозода зимни баргузории ҷаласаи Алянси авруосиёии омбудсменҳо дар мавзуи «Амалияи фаъолияти Тоҷикистон ва Ваколатдор оид ба ҳуқуқи инсон дар Ҷумҳурии Тоҷикистон вобаста ба масоили рӯзмарраи ҳуқуқи инсон дар шароити рақамикунонии ҷомеа» маъруза намуд.
Иштироки Ваколатдор оид ба ҳуқуқи инсон дар Ҷумҳурии Тоҷикистон дар чунин чорабинии сатҳи баланди минтақавӣ ва байналмилалӣ ба муаррифии дастовардҳои Ҷумҳурии Тоҷикистон дар соҳаи ҳуқуқу озодиҳои инсон ва баланд бардоштани нуфузи Тоҷикистон ҳамчун давлати демокративу ҳуқуқбунёд мусоидат менамояд.
Бознашр аз сомонаи khovar.tj
